Sudani: Tuko tayari kwa tishio lolote dhidi yetu

Sudan

Shirika la habari la Uchina Xinhua limeripoti kuwa Wizara ya Mambo ya Nje ya Sudan imeulaumu vikali utawala haramu wa Israel kutokana na juhudi zake za kuchochea mgogoro na ugomvi kati ya nchi hiyo na jirani yake Chad.

Imesema kuwa utawala huo umekuwa ukiunga mkono uchukozi wa Chad dhidi ya Sudan.

Akizungumzia suala hilo, Ali Yusuf, afisa wa ngazi za juu katika wizara hiyo amesema kuwa njama za Israel kuhusiana na suala hilo ni hatari kubwa kwa usalama na uthabit wa bara la Afrika.

Hata hivyo, amesema kuwa jeshi na vyombo vya usalama vya Sudan viko tayari kukabiliana na aina yoyote ile ya tishio dhidi ya usalama wake.

Uadui wa utawala haramu wa Israel dhidi ya Sudan unatokana na msimamo wa nchi hiyo ya Kiafrika wa kuunga mkono Wapalestina wanaonyanyaswa na utawala huo wa kibaguzi na ambao wanapitia kipindi kigumu cha mateso kutokana na juhudi za kutetea haki zao za kimsingi zilizoporwa na kukanyagwa na utawala huo haramu.