Hamas: Hatutautambua rasmi Mkataba wa Abbas na Israel

Phalastine

Chama cha Hamas kimetangaza kwamba hakitatambua rasmi mkataba wowote utakaofikiwa kati ya Mamlaka ya Ndani ya Palestina na utawala haramu wa Israel.

Hayo yamesemwa na Fauzi Barhum, Msemaji wa Harakati ya Mapambano ya Kiislamu ya Palestina, Hamas.

Alisisitiza kwamba, kipindi cha urais wa Mahmoud Abbas tayari kimemalizika na kwamba hana mamlaka yoyote ya kutia saini maktaba wowote na utawala haramu wa Israel.

Barhum aliongeza kwamba Abbas pia hana mamlaka yoyote ya kuitisha kura ya maoni kuhusiana na haki za Wapalestina.

Ni vyema kukumbusha hapa kwamba, Hamas iliitaja safari ya hivi karibuni ya Abbas nchini Marekani kuwa isiyo na natija na kuongeza kwamba, Rais Barack Obama wa nchi hiyo hana uwezo wowote wa kuulazimisha utawala wa Kizayuni kuondoa mzingiro wa kidhulma unaoutekelezwa dhidi ya Ukanda wa Gaza wala kuushinikiza usimamishe ujenzi haramu wa vitongoj